ਬਾਬਾ ਬਕਾਲਾ ਸਾਹਿਬ, 06 ਜੁਲਾਈ (ਸੁਖਵਿੰਦਰ ਬਾਵਾ) : ਨਗਰ ਪੰਚਾਇਤ ਬਾਬਾ ਬਕਾਲਾ ਸਾਹਿਬ ਦੇ ਪ੍ਰਧਾਨ ਅਤੇ ਚੇਅਰਮੈਨ ਮਾਰਕੀਟ ਕਮੇਟੀ ਰਈਆ ਨੇ ਸ੍ਰੀ ਓਮ ਬਿਰਲਾ ਸਪੀਕ ਲੋਕ ਸਭਾ ਜੀ ਵੱਲੋਂ ਰੱਖੀ ਗਈ ਸ਼ਹਿਰੀ ਢਾਂਚੇ ਨੂੰ ਮਜਬੂਤ ਕਰਨ ਲਈ ਅਰਬਨ ਲੋਕਲ ਬਾਡੀਜ਼ ਦੀ ਨੈਸ਼ਨਲ ਪੱਧਰੀ ਕਾਨਫਰੰਸ ਵਿੱਚ ਨਗਰ ਬਾਬਾ ਬਕਾਲਾ ਸਾਹਿਬ ਦੇ ਮੱੁਦੇ ਰੱਖੇ ਗਏ । ਜਿਸ ਵਿੱਚ ਪ੍ਰਧਾਨ ਕੰਗ ਨੇ ਨੈਸ਼ਨਲ ਕਾਨਫਰੰਸ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਨਗਰ ਬਾਬਾ ਬਕਾਲਾ ਸਾਹਿਬ ਨੌਵੇ ਪਾਤਸਾਹ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਤਪਸਥਾਨ ਹੈ ।
ਜਿੱਥੇ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਨੇ 26 ਸਾਲ 9 ਮਹੀਨੇ 13 ਦਿਨ ਤਪੱਸਿਆ ਕੀਤੀ ਅਤੇ ਆਪਣਾ ਸਾਰਾ ਪ੍ਰੀਵਾਰ ਦੇਸ ਦੁਨੀਆਂ ਤੋਂ ਵਾਰ ਦਿੱਤਾ ਅਤੇ ਉਹਨਾਂ ਦੀ ਸਹਾਦਤ ਪੂਰੀ ਦੁਨੀਆਂ ਅਤੇ ਦੇਸ ਵਿਦੇਸ਼ਾਂ ਵਿੱਚ ਵਸਦੀਆਂ ਸੰਗਤਾਂ ਲਈ ਪ੍ਰੇਰਣਾਂ ਸਰੋਤ ਹਨ । ਸਾਨੂੰ ਗੁਰੂ ਨਗਰੀ ਨੂੰ ਸਮਾਰਟ ਸਿੱਟੀ ਬਣਾਉਣ ਵੱਲ ਪਹਿਲ ਕਦਮੀ ਕਰਨੀ ਚਾਹੀਦੀ ਹੈ। ਪ੍ਰਧਾਨ ਕੰਗ ਨੇ ਕਿਹਾ ਕਿ ਬਾਬਾ ਬਕਾਲਾ ਸਾਹਿਬ ਪਹਿਲਾ ਪਿੰਡ ਸੀ ਅਤੇ ਹੁਣ ਸਹਿਰ ਬਣ ਗਿਆ ਹੈ ਅਤੇ ਅਬਾਦੀ ਵੀ ਵੱਧ ਹੈ ਅਤੇ ਏਰੀਆਂ ਵੀ ਵੱਧ ਹੈ, ਸਭ ਤੋਂ ਵੱਢੀ ਗੱਲ ਹੈ ਕਿ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਤੋਂ ਬਾਅਦ ਸਭ ਤੋਂ ਵੱਧ ਦੇਸ ਅਤੇ ਵਿਦੇਸ਼ ਤੋਂ ਸੰਗਤਾਂ ਨੌਵੀ ਪਾਤਸਾਹੀ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ ਤਪਅਸਥਾਂਨਾਂ ਤੇ ਦਰਸ਼ਨ ਕਰਨ ਆਊਦੀਆਂ ਹਨ ।
ਪ੍ਰਧਾਨ ਸੁਰਜੀਤ ਸਿੰੰਘ ਕੰਗ ਨੇ ਕਿਹਾ ਕਿ ਰੱਖੜ ਪੁਨਿੰਆਂ ਮੇਲਾਂ ਹਰ ਸਾਲ ਅਗਸਤ ਵਿੱਚ ਆਉਂਦਾ ਹੈ ਅਤੇ ਤੁਰੰਤ ਬਾਅਦ ਇਸ ਵਾਰ 350 ਸਾਲਾਂ ਗੁਰੂ ਤੇਗ ਬਾਹਦਰ ਸਾਹਿਬ ਜੀ ਦੇ ਸ਼ਹੀਦੀ ਦਿਹਾੜੇ ਨਵੰਬਰ ਵਿੱਚ ਆਉਣੇ ਹਨ ਅਤੇ ਦੇਸ ਵਿਦੇਸ਼ ਤੋਂ ਆਉਣ ਵਾਲੀਆਂ ਸੰਗਤਾਂ ਅਤੇ ਨਗਰ ਨਿਵਾਸੀਆਂ ਵਾਸਤੇ ਪ੍ਰਬੰਧ ਵਿੱਚ ਬਹੁਤ ਕਮੀ ਹੈ। ਸੁਰਜੀਤ ਸਿੰਘ ਕੰਗ ਨੇ ਕਿਹਾ ਕਿ ਪੰਜਾਬ ਸਰਕਾਰ ਅਤੇ ਕੇਂਦਰ ਸਰਕਾਰ ਨੂੰ ਚਾਹੀਦਾ ਹੈ ਕਿ ਨਗਰ ਬਾਬਾ ਬਕਾਲਾ ਸਾਹਿਬ ਵਿੱਚ ਵਧੀਆਂ ਸੀਵਰੇਜ਼ ਦੇ ਪ੍ਰਬੰਧ ਕੀਤੇ ਜਾਣ, ਸੜਕਾਂ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਦੀ ਤਰ੍ਹਾਂ ਹੈਰੀਟੇਜ਼ ਸਟਰੀਟ ਬਣਨ, ਆਉਣ ਜਾਣ ਵਾਲੇ ਰਸਤਿਆਂ ਤੇ ਗ੍ਰੀਨਰੀ ਦਾ ਖਾਸ ਪ੍ਰਬੰਧ ਹੋਵੇ ਅਤੇ ਨਗਰ ਬਾਬਾ ਬਕਾਲਾ ਸਾਹਿਬ ਨੂੰ ਸਮਾਰਟ ਸਿੱਟੀ ਦੇ ਰੂਪ ਵਿੱਚ ਵਿਕਸ਼ਤ ਕੀਤਾ ਜਾਵੇ ।
